Categoría: Sin categoría

Estimadas familias,

Coa presente comunicación queremos informarvos dunha subvención que nos concedeu a Deputación da Coruña. O proxecto leva por título Incentivando a expresión oral galega a través da expresión artística e co importe recibido estanse realizando as seguintes actuacións:

1. Adquisición de 2 Kamishibai.
2. Adquisición de varios libros en galego en formato láminas en A3 para representación en Kamishibai.
3. Adquisición de 1 teatrillo para a representación de títeres.
4. Obradoiros de construción e manipulación de monicreques.
5. Obradoiros de ilustración.

Os obradoiros de construción e manipulación de monicreques estarán destinados ás familias. En próximas comunicacións concretarémosvos toda a información necesaria: as datas de realización (mes de decembro), así coma a forma de inscribirse nos mesmos. Esperamos que resulten do voso interese.

Un saúdo.

A Xunta Directiva.

Estimadas familias,

Recordámosvos que hoxe luns 15 de febreiro realizaremos a Asemblea ordinaria da Asociación de pais e nais do colexio Nosa Sra. Dos Remedios, que se celebrará ás 19:00 en primeira convocatoria e ás 19:15 en segunda.

Os puntos do día serán:

1. Votación e renovación  dos cargos da xunta directiva se procede.
2. Aprobación das contas da Asociación se procede.
3. Actuacións levadas a cabo dende a última Asemblea.
4. Rogos e preguntas.

A Asemblea será vía telemática. Realizarase mediante videoconferencia e poderedes acceder mediante o enlace que  se vos enviou por correo electrónico. Se algún socio non recibiu o enlace correspondente pode poñerse en contacto con nós a través do correo anpadosremedios@gmail.com

Contamos coa vosa colaboración.

Dende a ANPA, e en colaboración co Departamento de Orientación do centro, estamos a organizar unha xornada relacionada cos oficios e profesións para tentar axudar aos nosos fillos e fillas que cursan 4º da ESO. Proximamente estes rapaces terán que decidir que camiño seguir nos seus estudos polo que pretendemos darlles a coñecer distintos itinerarios e experiencias profesionais a través das vivencias das propias familias.

Neste punto é onde precisamos da vosa colaboración. Gustaríanos que aqueles/as de vos que creades que podedes aportar algo compartindo a vosa propia experiencia coma estudante ou profesional participedes na xornada.  Non buscamos algo en particular, só coñecer vivencias e opinións de distintos ámbitos: que non sempre se segue o camiño que os nosos pais queren para nós, que ás veces imos por camiños que nin nós mesmos pensamos e foinos ben, que a vida ten moitos itinerarios a seguir e que todos son igual de válidos, …

Calquera achega que motive aos rapaces e rapazas que aínda non saben que facer será gratificante. Quen sabe! A vosas palabras poden deixar pegada en moitos de eles e elas.

Esperamos poder contar co maior abanico de profesións posible e que sexan unha gran vía inspiradora para todo o alumnado. Se queredes participar poñédevos en contacto con nós no correo electrónico anpadosremedios@gmail.com antes do 27 de febreiro e explicándonos un pouquiño cal é o voso perfil. Coa información recibida tentaremos organizar unha xornada que se celebrará mediante videoconferencia e fixar unha data que tentaremos centrar no mes de marzo.

Animádevos!!!

No mes de Novembro púxose en marcha, un ano máis, a Campaña de Recollida de alimentos, coa que se pretende lograr que todas as familias do noso entorno poidan desfrutar dun Nadal especial. Ademais, como se fixo o ano anterior e dado que a experiencia foi moi gratificante e enriquecedora, pretendeuse implicar aos nenos dun xeito activo e significativo para eles. Por este motivo, os alumnos do primeiro ciclo de primaria colaboraron na campaña de alimentos xestionando a compra dos produtos. A diferenza doutros anos, e debido á situación da pandemia, os rapaces non acudiron aos supermercados para realizar a compra.

Cabe sinalar que este ano as familias do centro colaboraron máis que nunca, o que nos encheu de orgullo e ledicia.

Sabemos que as circunstancias de este ano non son as mellores, pero non por iso imos deixar de festexar unha das datas máis agardadas por todos: O MAGOSTO.

Dende a directiva do ANPA invitámosvos a participar todos xuntos en familia no “Concurso de Fotografía Magosto 2020-21”

Para poder participar debedes enviarnos unha foto na que se reflexe ou ben unha celebración de magosto ou unha composición na que se utilicen materiais propios desta época: millo, follas, landras, …, e sobre todo a estrela da festa: a castaña!

Teredes de prazo dende hoxe ata o día 15 de novembro para facernos chegar unha fotografía de tódolos participantes xunto coas vosas creacións ó correo anpadosremedios@gmail.com.

Unha vez recibidas todas elas, procederase ás correspondentes valoracións. As puntuacións levaranse a cabo de maneira pública na nosa recente estreada conta de Facebook (ANPA do Colexio Nosa Señora dos Remedios).  Os resultados consideraranse definitivos o día 22 de novembro  e os nomes das familias gañadoras daranse a coñecer a través de este mesmo medio.

Haberá un premio por cada unha das seguintes categorías:

–           A representación con maior arraigo tradicional.

–           A representación máis orixinal e creativa.

Importante: Debido a que tanto as fotos recibidas coma o nome do gañador serán compartidos en redes sociais, para a participación no concurso é imprescindible que se entregue a correspondente autorización de uso de imaxe no momento de entregar a fotografía elixida.

¡¡Animádevos a participar!!

Estimadas familias,

Como membros da comunidade educativa do noso centro, coñecemos a vosa preocupación ante o cambio que vai producir o Concello na rúa de Mazarelos. Dito cambio vai impedir o uso da praza e o paso de vehículos, polo que solicitaremos unha reunión co Concelleiro de urbanismo para achegarlle a nosa preocupación. Coa intención de ser escoitados, solicitamos das familias unha recollida de sinaturas para apoiar a nosa, que é a vosa, petición de solucións.

Para recoller ditas sinaturas contaremos a partir de mañá – 18 de Setembro – e durante varios días, con dous postos con formularios, un en cada entrada e coincidindo coas entradas e saídas. Rogamos que, por mor da crise da Covid 19, intentedes ser o máis ordenados posible, non interrompendo o paso dos nenos e evitando aglomeracións. Tamén aconsellamos que cada persoa leve a cabo a sinatura co seu propio bolígrafo. Todo para poder protexer e protexernos ante este imprevisible virus.

A continuación anexamos o escrito que queremos facer chegar ao Concelleiro de Urbanismo. Se algún familiar prefire tamén pode imprimir esta carta e facérnola chegar asinada ao correo electrónico anpadosremedios@gmail.com

Podedes descargar o escrito no seguinte enlace: Escrito Concelleiro con Firma

Moitas grazas pola vosa colaboración.

Estamos a piques de rematar a primeira semana de clases e comprácenos ver o ben que se acolleron as medidas do centro, sen aglomeracións nas entradas e saídas e sen incidencias salientables. Grazas a todos e a todas por colaborar en que así sexa.

Tal e como indicamos no noso anterior comunicado, dende a Xunta Directiva da AMPA queremos tamén ser partícipes desta nova normalidade. Por este motivo, no día de hoxe, e grazas a colaboración dos titores, repartíronse estoxos e dúas máscaras quirúrxicas a todos os fillos e fillas dos socios dos ciclos de infantil e primaria.  Os rapaces da ESO recibirano unha vez dean comezo as súas clases. De igual xeito, donouse ao centro un lote de 500 máscaras para que poidan facer uso delas cando estimen necesario.

Seguiremos traballando para que este curso se desenvolva o mellor posible para as familias.

Moito ánimo e saúde.

A Xunta Directiva do ANPA invita a todas as familias do centro educativo á festa da Comunidade Educativa que se celebrará o próximo xoves 19 de Decembro.

No seguinte enlace podedes descargar a circular na que podedes consultar as distintas actividades que se levarán a cabo nese día. Gustaríamos remarcar que os beneficios do Mercadillo Solidario irán destinados aos proxectos misioneiros do colexio: tres bolsas de estudo de nenos apadriñados en Guinea Ecuatorial e Madagascar.

Circular Nadal colexio 2019-20